ಶಿರಸಿ: ತಾಲೂಕಿನ ಮುಂಡಿಗೇಜಡ್ಡಿ ಗ್ರಾಮದ ಶ್ರೀಮತಿ ಪ್ರಜ್ಞಾ ರಾಜೇಂದ್ರ ಹೆಗಡೆ ಕಂಪ್ಯೂಟರ್ ಸೈನ್ಸ್ ವಿಭಾಗದಲ್ಲಿ ಮಂಡಿಸಿದ “ಡಿಸೈನ್ & ಎನೆಲಿಸಿಸ್ ಆಫ್ ಎಫಿಶಿಯಂಟ್ ನಾಲೆಡ್ಜ್ ಡಿಸ್ಕವರಿ ಎಪ್ರೋಚಸ್ ಫಾರ್ ಆನ್ ಲೈನ್ ಪುಡ್ ಮಾರ್ಕೆಟಿಂಗ್ ಸಿಸ್ಟಮ್ ಯೂಸಿಂಗ್ ಮ್ಯಾಪ್ ರೆಡ್ಯೂಸ್ ಟೆಕ್ನಾಲೊಜಿಸ್” ಎಂಬ ಸಂಶೋಧನಾ ಪ್ರಬಂಧಕ್ಕೆ ಬೆಂಗಳೂರಿನ ಗಾರ್ಡನ್ ಸಿಟಿ ಯೂನಿವರ್ಸಿಟಿ ಪಿ.ಎಚ್.ಡಿ. ಪದವಿ ಪ್ರದಾನ ಮಾಡಿದೆ. ಇವರಿಗೆ ಕಾನಸೂರಿನ ಡಾ|| ಪ್ರಶಾಂತ್ ಭಟ್ ಇವರು ಮಾರ್ಗದರ್ಶನ ಮಾಡಿದ್ದರು. ಇವರು ಮುಂಡಿಗೇಜಡ್ಡಿಯ ಶ್ರೀಮತಿ ಮತ್ತು ಶ್ರೀ ಪ್ರತಿಭಾ ಮತ್ತು ರಾಜೇಂದ್ರ ಹೆಗಡೆ ಇವರ ಪುತ್ರಿಯಾಗಿರುತ್ತಾರೆ. ಹಾಗೂ ಶಿರಸಿಯ ಬಿ.ಜೆ.ಪಿ.ಯ ಪ್ರಮುಖರಾದ ವಿಶಾಲ ಮರಾಠೆಯವರ ಪತ್ನಿಯಾಗಿರುತ್ತಾರೆ.
